مره صرصار ندل عزم 4 من اصحابه على العشا شد عليهم السيفون
********
مرة واحد مسطول عدا "مر" على شلة مساطيل وكان مخبي جاجة ورى ظهره فاعدين بيسالوه ايه اللي في الكيس؟ ايه اللي في الكيس؟
فقالهم لوعرفتوا ايه اللي في الكيس هديكم منه سمكة.
فقالوا مع بعض في نفس الوقت بحر طبعا .
**********************
مرة واحد كهربائي اتجوز تلاتة عملهم مشترك.
**********************
واحد كان عايز يشتري عربية اسلامية راح محل العربيات سأل البياع عندك عربية اسلامية قال له اه لما تقول الحمد لله تمشي ولما تقول الله اكبر تقف فشتراها وبعدين اعد يقول الحمد لله الحمد لله الحمد لله...فلقى أدامه صخرة فقال الله اكبر فقال الحمد لله.
*********************
مرة حرا مي وندل الحرامي قال للندل اعلمك السرقة وتعلمني الندالة؟ قاله:ماشي
فالحرامي علم الندل السرقة فخد المحفظة من جيبه وقاله يلا علمني الندالة فقال حرامي حرامي حرامي.
*********************
مرة شباب راحوا البر اللي هو الصحرا وهم ماشيين سمعوا صوت سريخ "صرخة"فاعدوا يقربوا من الصوت فلقوا حفرة عميقة لدرجة ان ضوء الكشاف مش ظاهر في الحفرة فالاتصلوا بالشرطة جت الشرطة ونزلت واحد في الحفرة لقى...
صرصار بيخلع ضرس نملة.
********************
مرة واحد صيني وقع اتكسر.
********************
صعيدي كان بيجري ورا حرامي سبقة.
********************
واحد صغير قال لمامته : فين جبال الهملايا يا ماما؟
قالتلو لو كنت بتحافظ على حاجاتك كنت عرفت هية فين.
********************
مرة واحد صغير قال لمامته: فين برج ايفيل يا ماما؟
- معرفش سفها ممكن تلاقيه تحت الدولاب.
*******************
حاجة بالطير وبتقول مياو مياو مياو ليه؟
غراب بيستعبط .
********************
كلب ماشي بيقول مياو مياو مياو ليه؟
فاقد الزاكرة.
*****************
واحد صغير بيسال باباه فين نيو يورك؟
-اسال مامتك هي اللي بترتبلك كل حاجة.
****************
صعيدي كل ما ينام يحط قنبلة بدل من المنبه.
****************
عربية ماشية سريييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييييــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ....
طلعت بره النكتة .
****************
واحد بيقول للتاني اقولك نكتة بايخة ؟
-اه
-مرة واحد اتنين تلاتة
قاله طب انا اقولك نكتة ابوخ؟
-اه
-مرة واحد اتنين تلاتة
قاله مش انا قلتها !!!!
-اه بس دول تلاتة غيرهم.
***********************
واحد علٌى الراديو عدا من فوقيه.
**********************
واحد بخيل اوي كان زعلان اويفقاله صاحبه مالك ؟
- المشط بتاعي سنة اتكسرت
-وايه المشكلة استخدم السنون الباقية
قاله : ما هو كان اخر سن.
*********************
مرة واحد اتنين تلاتة راح امريكا رجع وان تو ثري "one two three".
*********************
واحد راح للدكتور و قال له : انا كل شوية بحس ان انا ديك! ليه؟
- من امتى وانت بتحس بالاحساس ده؟
قال له من و انا ديك.
**************
مدير المدرسة : انتوا تلاميذ مشاغبون اعمل فيكم ايه؟
اهدمه يا استاذ.
السبت 24 مايو 2008, 9:56 am
