المرة دي انا جايب لكم صور كتير اوي
كل صورة منها كانت بتمثل لي لحظة معينة
معظم الصور مش هايبقى ليها علاقة ببعض
بس انا قلت اجمع الصور كلها في توبيك واحد
وطبعا متفقين ان ده تصويري
ومش عاوزين تريقة
يارب يعجبكم
الصورة دي كانت يوم الفلانتين السنة اللي فاتت
ودي كانت من كام يوم في بلد تبع المنصورة والترعة دي مليانة فيران
ودي من يومين تقريبا في مكان قريب من بيتنا
ودي في دريم بارك السنة اللي فاتت
ودي برضه في دريم
ودي في الصحرا في نفس اليوم بتاع دريم كان تكملة الرحلة وده اسطبل خيول بس فاضي هههههههه
ودي كنا يوم في الدائري بنريح شوية ( كلنا شباب احسن حد يفتكر حاجة
)
ودي واحنا راجعين من القاهرة بعد الدائري
ودي لقطة لاستاد القاهرة بعد ماتش الزمالك والقادسية في البطولة العربية وكان معايا تامر
ودي وانا قاعد على بحر اسكندرية
ودي برضه منظر تاني
كنت مضايق اوي ساعتها فكنت عمال اصور المكان كله
حفظتوا بقى
دي بقى يوم ماتش الزمالك والهلال السوداني
صورة تانية
ده مدخل ستاد القاهرة من مدرجات الدرجة الاولى
ودي صورة هبل كان الباص عطل وانا راجع من القاهرة صورت المكان
دي بقى كنا بعد شم النسيم بكام يوم في جمصة وكان الجو تحففففة وكنا لابسين خفيف
الصورة دي اتهبلت على ما عرفت اخدها للغروب بس كان في اخره
ده بقى الغروب على النيل في القاهرة بس فين بالتحدي مش فاكر
ودي برضه احدى الصور اللي ملهاش معنى اللي بصورها وانا في العربية
ودي كانت في كافيه في اوركاديا مول
دي يوم ماتش الزمالك والمنصورة في كاس مصر
يارب الصور تعجبكم وربنا يسهل كده وابقى انزل لكم وصف ليها بس بعدين بقى ان شاء الله