كتاب قرأته وأعجبني

انا جايبه لكم ياجماعه النهارده مقتطفات من كتاب قرأته وأعجبني جداً وهو كتاب ( شكلها باظت ) للكاتب الشاب الواعد عمر طاهر

طبعاً عمر طاهر صحفي شاب ساخر بيحب يكتب في السياسة بطريقة كوميدية .. وبدأ في جريدة صوت الأمة
وانتقل بعد كده لأكتر من جريدة ..وليه فقرة ثابته في قناة أو تي في..
وكتابه شكلها باظت بيتكلم عن مشاكل اجتماعية ساخره تحدث في مجتمعنا المصري
والحقيقة الكتاب رائع وعجبني وحبيت أنقلكم مقتطفات بسيطة منه وأنا عندي الكتاب بصيغة pdf بس للأسف
مش عارفه أرفعهلكم هنا. ياريت اللي يقدر يفيدني ارفع الكتاب ازاي يقولي..
هسيبكم مع مقتطفات من الكتاب...
إذا كنت مصري و أحد أبناء جيلي فستعي ما أكتبه...
أنا إبن الجيل الذي تفتح وعيه على ماما نجوى وبقلظ وبابا ماجد عبد الرازق " السندباد" و"سينما الأطفال سينما" مع ماما عفاف الهلاوي .. وكانت الموسيقى المميزة لبرنامج " العلم والإيمان" مع د. مصطفى محمود تثير بداخلنا رهبة غير مفهومة .. سهرات التليفزيون نعرفها جيداً .. الأربعاء "اخترنا لك" والخميس مسرحية والجمعة فيلم أجنبي علي القناة الثانية والسبت" نادي السينما" والأثنين "تاكسي السهرة" وبعدها "فكر ثوان واكسب دقايق" .. يوم الجمعة "عالم الحيوان" يليه لقاء الشيخ الشعراواي يليه مباراة أو فيلم ومساء "العالم يغني" و"نافذة علي العالم" ..

أنا إبن جيل ألبوم "بم بم" و"أهلا أهلا كاراتيه" و"محلول معالجة الجفاف" و"لحظة من فضلك" و"دي زبالة يا جاهل" و"ذا بولد أند ذا بيوتيفيل" و"ياكلوا حلاوة ياكلوا جاتوه ياكلوا كل اللي يحبوه"..
عظيمة يا مصر يا أرض اللوا...!
* لم يذكر السجن في القرآن الكريم إلا في مصر في سورة " يوسف "..

* في مصر فقط ..تجد شخصاً أقل منك في المستوى العلمي وحصل علي مجموع 50% فقط في الثانوية العامة لكنه بيتنطط عليك .. (دخل بيهم شرطة).

* في مصر فقط ..ينمو نبات البردي وورد النيل والجرجير والخبيزة والليف.

* في مصر فقط ..تأكل الحواوشي والشكشوكة والعجة والملوخية بالأرانب والمسقعة والكشري ومحشي الكرنب والكبدة الأسكندراني.

* في مصر فقط.. تعبر الكلاب الشوارع بالطريقة نفسها التي يعبر بها الآدميون .. وليت البشر عندنا يعبرون بالطريقة نفسها .. لكن المواطن المصري يحب ان يعبر الشارع كطائر البطريق.

* في مصر فقط.. تنشب الصداقة سريعا وفي اقل من ثواني في إشارة مرور أو طابور في مصلحة حكومية أو في الأسانسير.

* في مصر فقط ..ملك فرعوني فنان بني لنفسه تمثالاً ضخما لا تشرق الشمس علي وجهه إلا مرتين في السنة .. يوم عيد تتويجه ويوم عيد ميلاده هو شخصياً (صبح .. صبح ياعم الحاج)

* في مصر فقط.. وزير (يسرطن ) الشعب ثم يرشحه الحزب الحاكم في إنتخابات مجلس الشعب.

* في مصر فقط.. ينادي وزراء التعليم بإلغاء مجانية التعليم .

* في مصر فقط .. الإختيارات السياسية المتاحة أمام المواطن هي التصويت بـ (نعم) أو (لأ).
* في مصر فقط .. يقدم الكشري ساخناً في أكياس بلاستيكية شفافة.

* في مصر فقط ..ادفع وبعدين اشتكي.

* في مصر فقط ..تم القضاء نهائياً على ظاهرة إدمان الهيروين بعد أن أصبح البانجو في متناول يد الجميع.
* في مصر فقط ..لا يتم وضع الملصقات إلا تحت لافته ممنوع لصق الإعلانات.

* في مصر فقط ..بولاقان (بولاق أبو العلا) و(بولاق الدكرور).

* في مصر فقط ..يوجد نوع من المسكنات علي هيئة مصطلحات يتم تقديمها للشعب بجرعات مكثفة مثل ا(التمثيل المشرف) (الشفافية) (إشادة البنك الدولي بمصر) و (أهمية الدور الذي يلعبه الشباب.. جيل المستقبل).

* في مصر فقط ..حالة من الشعور بالأمان الخفي تشعر بها ولا تراها .. بداية بهجرة أهل بيت النبي بعد حادثة كربلاء ألي القاهرة حيث وجدوا في رحابها أمن وكرم الضيافة .. نهاية بالزعيم الفلسطيني الراحل ياسر عرفات اللي قال في أحد حواراته الصحفية " لا أنام جيداً إلا في مصر".

* في مصر فقط كل عقدة ولها حلال ...

دي كانت مقتطفات متفرقة من الكتاب ولما تقروا الكتاب يارب يعجبكم..

في انتظار تعليقكم ...

راااااااااااااااائع يا ميس ايجيبت

تسلمى

بصي بجد الكتاب جميل شوقتيني اقراه

بيعبر عن الواقع بسخرية جميله بصراحة

فعلا شكلها باظت

اكثر جملة اثارت انتباهي هي دي

* في مصر فقط.. تنشب الصداقة سريعا وفي اقل من ثواني في إشارة مرور أو طابور في مصلحة حكومية أو في الأسانسير.

ههههههههههه وقت ما قريتها ضحكت وفي نفس الوقت استغربت فاهمه ازاي الي هو شعور استغراب .

شكل الكتاب فعلا لديد

وبخصوص طريقة الرفع هبقى اشوف الموضوع ده واقولك ازاي ترفعيه

علشان نقدر نقراه كلنا .

تسلم ايدك يا ميس ايجبت وشكرا ع النقل الممتع .

ميرسي ليكي يا فاتي انتي وزينب ...في الحقيقة انا شايفة الموضوع اتقرى حوالي 10 مرات ومافيش حد رد عليا ولا عبرني غيركم انتو الاتنين.. انتو بتشجعوني بجد

وفعلاً الكتاب جميل جداً وبيتكلم عن سلبيات كتير في بلدنا ..
ومستنية ردك بخصوص موضوع الرفع
شكراً لمرورك......

ههههههههههههه

منورانا والله يا جميل

ع فكرة المنتدى مافيهوش اعضاء كثير يتعدوا ع الصوابع فاهمه ازاي.

فهي دي المشكله ,,,

Admin كتب:: ههههههههههههه

منورانا والله يا جميل

ع فكرة المنتدى مافيهوش اعضاء كثير يتعدوا ع الصوابع فاهمه ازاي.

فهي دي المشكله ,,,

مش مشكلة عدد الناس انتو ردودكم عليا كفاية جداً ... شكراً لمرورك